Japanese Vs HongKongese 香港男人同日本男人有何分別 / 香港女人同日本女人責任上有何分別

托K小姐既福 我們一行六條女星期五晚上 舉行了一個 "暢飲會"
香港女生*2 + 日本女生*4

大家應該估到 三個女人一個墟 [兩個墟]會係幾咁 "墟�"
來來去去都不外乎兩大重點

I. 男人
II. 美容


I.男人

關於男人, 一眾日本妹未去過香港 好想知道香港男人同日本男人有何分別 / 香港女人同日本女人責任上有何分別, 以下是日本女生對日本男生的投訴:

1) SHOPPING時從不比錢及幫女朋友提東西
2) 拍拖之後不能有任何異性朋友 不能跟其他男生出街甚至食LUNCH, SEND SMS 及通電話
3) 示女朋友如阿四 但女人不能不服從他們的要求 (例如 番到屋企 講聲: 拎罐啤酒黎 要即刻拎 仲要幫佢加冰 留意佢是否滿意其溫度)

我們回應:

1) SHOPPING時比唔比錢係好個人 但大多數男朋友都會幫手拎野 (她們覺得嘩....好幸福...睇到依度係咪覺得佢地好易滿足

? 日本妹好正?)
2) 拍拖之後可以有自己圈子同朋友。 (男人可能覺得好爽 覺得依D係尊重 不過唔好唔記得 你地亦唔可以同任何女性朋友來往...還覺得爽嗎?)
3) 如果我地心情好好 又或者佢地態度好好 係佢既請求上加句THANK YOU會幫佢拎。不過對方最好係以感謝既心態去對待我地既尊重。換句話說, 日本男人係老馮, 香港男人唔敢太老馮。
(相信男生們都覺得日本妹係佢地夢寐以求既"老婆" 比起香港女生, 溫柔及服從度高到不得了。但你們有無諗深一層, 點解佢地咁得閒又咁願意滿足你地大男人既心態? 以下是我們的結論:

- 日本女人 普遍結婚就唔洗做, 老公成份糧比曬老婆(甚至有不少公司直接每個月過數去老婆戶口), 老婆反過來每日/一星期一次比零用錢老公洗。佢地既零用錢大約係如何定呢? 大概如下:
a) 老公份糧有幾甘
b) 每餐飯幾多錢 (老婆做愛心lunch者則比少D, 老公要求唔帶便當就比多D, 另額外應酬再作申請)
c) 老婆理財有幾叻 (一個唔覺意買左個名牌手袋 老公份零用就凍過水)

試問老婆唔洗做, 拎住你成份糧同D FD去梳乎/ SHOPPING, 你咁辛苦做野番到黎 拎杯合你要求既冰凍啤酒比你有幾難? 幫你MASSAGE埋又點話?

事實上間唔中 我奶奶都有d 師奶朋友黎痴餐, 一黎到就呻 "死啦 我琴日又忍唔住look左個Coach, 下個月還埋卡數...可能月中開始我老公就要每日帶飯啦....比佢知道又鬧啦....



II. 美容

愛美係女人既天性, 日本女生中 我最羨慕的 就係無論幾瘦都好 身材都有番咁上下 另外就是她們好白。 就此, 我地問了日本女生 吃什麼才可以有如此完美的身材。

她們不約而同說....日本女生才沒身材....只是我們的內衣設計比較花功夫! "我們日本的PAD很厚,你們香港沒厚PAD的PUSH-UP內衣嗎?

下...不是吧 為什麼我一直覺得日本女生的身材好?

日本女生說: 你完全誤會了 那是PAD的關係 下次一起去海邊 或溫泉 你便知道了 我們的內衣多數沒賣A CUP, 因為 A CUP 通常被變成B或C CUP 這樣穿衣服比較好看 ( well, i think i should go check out their underwear asap n cant wait to go to ONSEN with them)

另外皮膚白, 除了天生, 應該是她們從BB開始, 每個人都一直喝牛喝直至上小學為止有關。



男生們, 如果你們還是以娶日本妹為依歸 請努力賺錢。
娶日本妹的夢想是浪漫的 現實卻是殘酷的 須知道, 一份微薄既薪水兩份洗係幾咁可憐, 主權係老婆身上 更是可憐中的可憐。

女生們, 如果工作得太累, 不仿考慮一下嫁給傳統的日本人 =]



PS: DASH不是傳統日本人...